Oser sortir de la zone de confort "salarié"

[Lunatic]

Fama wa7da esmha manwella fel instagram ta3mal des cakes fi darha à la demande très originaux blech pâte à sucre w blech crème à beurre, en plus la décoration yesser originale, je pense eli bech yanja7 lmachrou3 vaut mieux se distinguer 5ater kima 9alet mira wallew barcha

[mira82]

rajli y9olli ken jew nes lkol kifek m3amel el yaghort wel gazouz wel 7low yeflsou loool c pour ça man5amamch fihom projet mekla 5ater nra ken men rou7i bel7a9 mancherich 7low jemla donc no93od behta kifeh ye5dmou barcha

[MissLinou]

ey ama ena je me demande hal kathra hedhi lkol lkol 9a3din yerb7ou wysawrou ? ti tji tchouf les enseignes edou5 bel kathra wallah lanefhem 9adeh bech yetahlkou la3bed ? à part fi 3id wella mounasbet
j'ai l'impression taw mechin eli ya3mlou wa7adhom fi diarhom des trucs artisanaux kima 9alet lunatic haw bsissa haw zrir haw granola...wa mtab3in el mouja heki akthar

Kifek dima je me demande ye5i elkoll reb7in hedhouma.

[mallouka]

Les enseignes elli yefout 3amin tletha rebe7 c'est que 3mal étude de marché s7i7a au moins dans sa zone donc 9lil fel mekla bedhet elli 9a3din yakhsrou w yesakrou , bennesba elli wa7adhom betbi3a yerb7ou madem kol chay sur commande
exemple simple 3allekher fi 7oumti fi nahj we7ed akahaw tal9a 4 fast-food 7it fel 7it w m9ablinhom 4 okhrin amma el 7ouma zeda fiha 4 établissements scolaires ba7dha b3adhhom, pendant l'année scolaire manajamch na7kilkom 3al te3biya mashallah sa3at 7atta bech tet3adda 3al trottoir matnajjamch, hedha à part les autres clients, fel sif fihom elli yesakker carrément w yarja3 fel rentrée manetsawarch ken mahomch reb7in bech yo93dou 7allin 3elman wa ennou jarbou 7allou 7wenet 7Ajet okhrin yo93dou yo93dou w yesakrou w ye7ellou fast-food donc zeyed tant que femma demande kol we7ed yejih 9asmou

[MissLinou]

3andi sa7ebti 3amlet projet fi darha tbi3 7ajet fait maison, s7i7 ma famech 5sara ama ma famech zeda aka erreb7 elli y5alliha tkaber l projet. bech tet3raf lezem tosrof, mta3 tcherek fi foire w te5ou stand quelque part etc... 5ater tawa les reseaux sociaux wa7adhom ma y3awnouch l'enseigne tet3raf vu que wallet fama baaaaaarcha concurence. ti c'est simple 7atta l'essm heya mellowel ma 9aydetch fel inorpi 3la assess 7atta tet3raf chwaya w twalli etda5el flouss taw t9ayed ye5i jet wa7da qui fait presque la meme chose qu'elle w 9aydet l'essm 9balha fel inorpi et elle était obligée tbaddel.

[mira82]

te5dem fedrar à une petite échelle ok ama tu ne vas pas dégager barcha des bénéfices zeda dans ce cas

[mira82]

ena fi 7kayet le parc couvert kallamt 7atta des fournisseurs bel whatsup lbarra fi france et turquie loooool wa ki 7sebna hakka grosso modo ya3ni mouch calcul s7i7 à 100% l9ina ela le bénéfice bech yjina felle5er mel mekla wel t9ahwij wa hedheka eli fadadni

[dolce vita]

houni wallew baaarcha nsé (twensa) ytaybou fi dyarhom w ybi3ou. Famma 3 categoreis:
- mekla tayba
- gateaux
- 7low/salé
n7esshom barcha w machin w yzidou mais dhaher fihom ye5dmou...7atta pour les gateaux t7ess fama far9 binethom, les produits sont différenciés et les prix diffèrent.

ena puisque la 3andi talent la ghram la hiweya (7absa) n5amim fi commerce mais ma l9itech jihd w courage pour me lancer. 5ammamt nbi3 des accessoires fi tounes, tout ce qui est rangement w organization. kif fazet Ikea mais beaucoup plus de choix.

[mira82]

fekra behia wa tanja7 @dolce vita 5ater barcha fazet mouch mawjoudin houni