les livres d'octobre

[MissLinou]

@MaMonet ena akther 7aja ghadhetni elli Rachelle metet aussi
w Damien - Manus da5alni ba3dhi , au début kont met3atfa m3ah barcha tout au long du livre ama tellement les revanges youj3ou el 9alb krahtou fi d9i9a

[MissLinou]

l'autre orphelin mickael ma te7kech 3lih barcha fel kteb donc ma sa5afnich particulièrement

[envie]

el 7afida yasser 3jebni , le style de de inaam c'est confirmé j'aime bcp
kel 3ada ta3tik riweya avec de l'histoire ta7kilek 7kayet en // t3arfek 3ala wa9e3 alim, zina 5rajet tlawej kifech t3ich avec sa famille w ba3d jet dhourouf bechtarja3 lel iraq lé 3arft t3ich m3ahom lé te7seb rou7ha amarikia 9adet bin el binie tlawej 3ala rou7ha

je suis en train de lire de soleil et de sang joujmoui bi kathret les personnages hani 9a3da entaba3 fi ghorza

[mira82]

soufi mon amour chnowa raykom ?

[envie]

ebda inti

[mira82]

3andi barcha meli 9ritou mais netfakar eli la partie eli ta7ki 3al mra wa rajelha....yasser yasser fadetni. deja ma3adech ne7mel chkoun ya7ki hal fazet hedhom fel ktob wella fel aflem genre rajelha y5oun fiha wa hya ta3ref wa mtofyya edhaw wa 9a3da nhar lkol chedda edar tsannaf wetayab....9adeh ça m'enerve !!!!
behi a part ça femma des parties yasser ennuyeuses zeda netfakar ma bdé ya7la ken fel dernier 1/3 deja la partie eli ta7ki 3la shams wa7dou yasser twila wa tfadad
apres sa relation avec jalel eddin eroumi 7assit'ha yasser ambigue wa zidet d5alt ba3dhi ki 3aras lol
sa5fetni mart jalel eddin eroumi wa sgharou zeda 7assit'hom tdhalmou wa ken jit fi blasset'hom ena bidi nakrhou shams
a7sen 7aja fel livre houma les regles qu'ils ont établies. la plupart nel9a rou7i fihom
la relation mte3ha m3a l'auteur du livre hawka 7alet chwaya lekteb ni plus ni moins
le style d'écriture mta3 elif maye3jebnich (wella la traduction je ne c pas)

[Lunatic]

الحفيدة الأمريكية
اخترت نسمعها في عوض نقراها. يمكن خاطر عندي فكرة على أسلوب الكاتبة الدسم و خفت لا نوحل في القراية. يمكن ضيعت على روحي نسبة من متعة القراية، أما الحاجة الباهية الي النسخة الي لقيتها، مقروءة من طرف "منار مراد". ملا صوت عليها و ملا شجى
محلاها اللهجة العراقية على لسانها. و كي تبدل صوتها باش تحكي بلسان رحمة
على عكس النبيذة، الحفيدة الأمريكية خفيفة روح و ما فيهاش برشة أحداث. رواية حزينة ماللول للخر لكن سحرتني و هزتني معاها للعراق. شخت برشا بالكتيبة الأنيقة. إنعام عندها ريشة انسيابية رشيقة، كي نقرالها نتخيل ورا الكلام مرا معبية برشا، خزان متع ذكريات.
ما عرفتش روحي نتعاطف مع زينة ولا لا، هي أمريكية من أصل عراقي حبت بلادها الي احتضنتها و كان طبيعي بالنسبة ليها تخدمها. هكا ولا هكا ما كانتش هي الي تقرر تمشي للعراق ولا.
زينة مقسومة بين الوطنية لأمريكا و الرجوع للأصل، و التمزق نراوه حتى في حبها لزوز رجال متفارقين، كيفن و مهيمن.
استغربت حبها لمهيمن الراجل العراقي التقليدي. أما يمكن نفهمها خاطرو حرك فيها اولى ذكريات طفولتها الي عداتها في العراق، كيف الي لقات فيه الي كان ناقصها. أما الي ما فهمتوش، كفاش مهيمن كان يقلها عيب تحبني راني خوك، أما عادي عندو تعرس بحيدر رغملي خوها بالرضاعة زادة؟؟
شخصية رحمة جدة زينة حبيتها برشا ! مرا أصيلة و متثقفة. عجبتني علاقتها بحفيدتها و كفاش تناديلها "زوينة زنزن زيون"

الي ما فهمتوش هو المؤلفة شكونهي؟ علاش ما حبتهاش ملول مبعد قعدت تحكي عليها تقول عليها تكتبلها في قصة حياتها؟
و علاش في الاخر قالت الي تخلصت منها "تدبرت لها لغما و دفعتها إليه" ؟ شتقصد؟

خدمة زينة كمترجمة في الجيش جاتني تجي قدقد مع حياتها في أمريكا و في الفترة الي مشات فيها للعراق : زينة أصلها عراقي و تحكي انجليزي، سفيرة العراق عند الامريكيين تنقللهم حقيقة بلادها من غير غبار. و كيما شافت في حرب العراق الي الحقيقة عندها برشا أوجه، كيما الترجمة تنجم تاخو برشا أوجه زادة.

حاجة اخرى استنتجتها من النبيذة و الحفيدة الأمريكية، إنعام عندها قدرة خاصة بيها في تصوير شخصيات آسرة، معالمها غنية برشا.
مثلا شخصيات تاجي و رحمة و زينة يتشابهوا في العمق و الجاذبية و يخليوك تغطس فيهم و تتخيل ملامحهم ملموحة ملموحة هههه

[Lunatic]

Du soleil et du sang mezelt na9ra fiha, 3ejbetni w netrachaf fiha bechwaya

[mira82]

ma7leha la revue bederja @Lunatic ya3tik essa7a

[MissLinou]

@Lunatic a3tini lien mta3 el 7afida audio stp. Ena bditou w ma kamaltouch 5allini nkamlou audio ça sera plus rapide peut-être