Sa famille me harcèle !

Et oui, la vie n'est pas un long fleuve tranquille, mais des hauts et des bas...plus de bas que de hauts??? Faragh kalbek, Exprime toi, tu te sentiras plus légère après.
Vie
Premier Pas
Messages : 8
Inscription : 12 août 2021, 22:28
A remercié : 2 fois
A été remercié : 2 fois

Sa famille me harcèle !

Message par Vie » 11 juil. 2023, 01:07

بر بي نحب نصيحة يا البنات، انا معرسة عندي 14 سنة و عندي صغار من لاول كان باهي و بعد صارت مشكلة صغيرة مع امو و من  نهارها عينك ما ترى الا النور. عيفوني في حياتي و زيد بنتها معاها. كيف نمشي لدارهم في مناسبات معينة، يبدأو يتدخلون في الشقيقه و الرقيقة حتى وين نرقد، وصلت لوزتي مرة انا و راجلي تخالفنا في حكاية فارغة تدخلت بيناتنا في شبيك تعملو هكا، في راهو بو أولادك، في و كان جيتو مطلقين اش تعمل، في  أخرج من دارنا، شبيك ترقد في بيت وحدك ارقد في الصالة معانا و الحكاية بيني انا و راجلي. امو وين نمشي تبدأ ترمي في الكلام تحبني نظف و نحوسلها و انا الحقيقة ما عادش نحب.   ،  انا خذيت موقف من اختو، نقصت الكلام معاها و هوما عندهم التبهنيس و النفاق بداو يجبدو فيه، اختو، خوها تقول راجلها تطلبو برشا، تطلبو في الشقيقة و الرقيقة متاع دارها حتى قراية أولادها، باش تشري حاجة، ولدها عندو مشكلة.... الي نورماللمَن تحكيهم مع راجلها، امو تخلط قدامو و تقول انا كبرت، يلزم الصغار يخدموني، احنا نوصلو لدارهم و هي ترمي الاربعة. و هو ما كانش من العاكسين، يحكيلهم كل شي، وصل يقلهم راهي تكرهكم، نمشي لدارهم ما يكلمنيش قدامهم و بعملي الصمت العقابي، وصل يتمقعر علي معى امو، يقلي لازم تخدمها، و انا شديت صحيح، قلي اختي ما غلطتش فيك، انا حرشتها فيك و قلتلها خوذلي حقي منها ووو.... توا ولا يتدخلون في أولادي حتى وين يرقدو أولادي و الحاجة إلى انا ما نحبهاش، يحبوني نعملها و يستفزو ني قدامو. مع العلم الي انا واقفة معاه وقفة رجال، نخدم على زوز بلايص باش نخلص بالقدا و ندخل فلوس أكثر منو و نصرف فلوسي كل على الدار و الصغار و ما نخلطتش حتى باش نكسي روحي. انا الحقيقة ما عادش نحب نمشيلهم. توا هو ولا حتى عركنا يحكيهملهم و امو استغلت الفرصة ما دام هو يشكيلها باش تدافع عليه و تفضحني انا، طلبت اختي قلتلها اختك كبي و معيشه ولدي في المشاكل، ولدي مرض، قلها دخل روحك في العايلة، ولدي ما عنده ش زهر... و توا دوروها فيسبوك جاتني حماتي قتلي شنية الي تهبط فيه الدعاء و تظهر متعاركة، ما عادش تهبط هكاكا. و هو اي كلمة تقولها امو او اختو يتبناها و يعايرني بيها، عاودلي حكايت الفيسبوك َ. حاجة أخرى هو و عايلتو عاملين قروب مسنجر، يحبني ندخل كل يوم و نصبح و نمسي و نعلق، كيف جبت روحي منو القروب عملي مشكلة حاسة روحي تحت تضغط و مرضت و نخمم حتى في الطلاق. نسيت حاجة راجلي جاتو كنترا باش يخدم البرا، شجعوه باش هو يسبق وحدو و يخليني انا و الصغار و هو عجبتو الفكرة و تبناها، كان ما انا قتلو ما تنجمش خدمة و صغار وحدي. اخنو ملي صحح النترا و لات هي زادة تحب تخرج للبلاد هذيكا مع العلم راهي لاباس عليها .اش رايكم و راني حكيت شويااا  ملي هو عملو فيا.


Avatar de l’utilisateur
mira82
Membre Légendaire
Messages : 12370
Inscription : 08 janv. 2018, 15:24
A remercié : 3946 fois
A été remercié : 2738 fois

Re: Sa famille me harcèle !

Message par mira82 » 18 juil. 2023, 13:16

5alih yosbo9 lbarra mennek terte7 menou wa men darhom wa mennek trakaz m3a rou7ek wetchouf chnowa tnajam ta3mel
femma 2 solutions soit tohrob b jeldek wetala9 wa mademik financierement labes c faisable
soit ta5lat 3lih ken raka7lek loure9 3la amal enou ki yeb3ed 3la darhom yerja3lou chahed la39al !
ken o5tou 5alta 3likom ghadi nans7ek bel solution loula, hedhom mordha dhahrin !
Ces utilisateurs ont remercié l’auteur mira82 pour son message (2 au total) :
Miroutta, Vie
Vie
Premier Pas
Messages : 8
Inscription : 12 août 2021, 22:28
A remercié : 2 fois
A été remercié : 2 fois

Re: Sa famille me harcèle !

Message par Vie » 28 juil. 2023, 15:13

@mira82 Merci infiniment pour vos conseils oui 9olt El 7a9 mordha houma. El hamdellah 3ala kol 7al, El 7al El wa7id nokhrej menhom. Yfadhlek
Ces utilisateurs ont remercié l’auteur Vie pour son message :
mira82
Répondre