Subvention

[JudyAbbott]

Bonjour

Kil nhar nesma3 fi Radio 3ala machrou3 bech ina7iou da3m
Ou i3awthouh b i3anet lil 3aylet
Min jiha bil 7a9 wa9tha laswem bech teghla ou Ken tawa nes mich 5alta mela wath3 kifech bech iwali
Min jiha o5ra mich 3adi 5obz b 200 mlm Dima yetlawa7 Wala we7id isou9 Porsche tekil 16 l /100 km ou isob essance mad3oum

Ch9awlkom?

[mira82]

je suis pour
eda3m mouch bech yemchi lel 3aylet lef9ira kahaw normalement bech yechmel n9oulou a7na etaba9a el f9ira wel metwasta ama bien sur enti wel salaire du ménage ya3ni femma 3aylet te5ou tant wa 3aylet o5ra te5ou a9al etc...mazel ma3anech détail ama bech ykoun femma kil bareme suivant les salaires mta3 les familles normalement
netsawar kima les systemes lbarra non ?
c pas normal 5obz yechriw fih wetla par exp mda3am hakeka kif kif exp el essence

[Miroutta]

bech yenja7 el système hetha lazem kol chay declaré fi tounes mouch el chahhar yebda mad5oulou ma3rouf w yetna7alou el da3m weli maydeclari fi chay w 3andou mad5oul kbir houa li yetmata3 bil da3m

[JudyAbbott]

Hathika mochkil, est ce que li3anet mechia leli yestehlouha? Kifech bech i9arou
5ater 7asb masma3 leli chahriyethom ta7t malyoun ama zeda 3ayla b 4 personnes 7ata Ken yo5los 1500 dt yetsama mest7a9
Ou zid 7ajet Haka twai fiha t5oubith ou m3aref...

Ama zeda tari9a mta3 tawa tchaja3 3al tabthir ou zid Kol Dima Mekla ma9tou3a 5ater tethareb...

[mira82]

non mouch s7i7a 7kayet eli ta7t el malioun
en plus le7kaya bech tebda bechwaya ya3ni eraf3 lkolli leda3m bech ykoun fi 2025 normalement 7asb ma fhemt
kima 9alet @Miroutta lezim d'ici la 7ajet o5ra tetssala7 bech tkoun le7kaya transparente

[kamilia2016]

ena ilraf3 filda3m yjini ma9dour 3lih filmekla ama fil carburant menich 3arfa kifech tsir 5atir budget 9wiy bech ywali wili yi5dim b3id chwaya 7sebetou ilkol lezim tit3awid

[Pitchounette]

Moi je vois annou ma famma 7atta moubarrar bech el baguette 3andha sniiiiin rabbi to93od b 200 millimes! wa9t kanet la bouteille d'eau 1,5 L b 300 millimes (Marwa), kanet la baguette à 200 millimes. Wa9t kanet el journata mta3 khaddém lemramma b 12 dinars, el baguette kanet b 200 millimes. Kol chay zéd bima fehom le SMIG 93adna kén 3al baguette? manetsawarch fama chkoun bech yet9ala9 kif la baguette passe de 200 à 250 millimes par exemple. Sachant que 50 millimes kif to93odlek bé9i fel magasin mayraj3ouhélekch.

[mira82]

ken bech tzid mouch bech twelli 250 bech tzid akthar b barcha j'aimgine twelli 400 millimes

[Pitchounette]

inajmou ya3mlou 7aja comme en Egypte par exemple. fama blayes win ibi3ou exclusivement el 3iich el mouda3am, wel bé9i non subventionné. Personnellement, manakelch barcha bel khobz et quand j'en achète, c'est pratiquement toujours des pains spéciaux. En plus je me dis j'ai les moyens, je laisse le pain subventionné à ceux qui en ont besoin. Idem pour le sucre (j'achète le sucre emballé même si ce n'est pas top pour l'empreinte carbone) et aussi pour le lait, j'achète toujours soit du lait entier ou du lait du type enrichi en vitamines . C'est ma façon, à très très petite échelle, de laisser les subventions à ceux qui le méritent.

[JudyAbbott]

L7a9 manchoufech masr exp behi, ou zid haka bech izid el far9 bin el ghniyin wil fou9ara2, ou 7wem labes 3lihom ou 7wem mhamcha ou kifech bech tothmen eli mayechri ken eli mest7a9, idour b carte? 5ali saf wil 3ark …